Британияда 14 йилдан буён илк бор ҳукумат ўзгармоқда
Консерваторлар ўрнини лейбористлар эгаллайди: Риши Сунак ўрнига Кир Стармер янги бош вазир бўлади.
BBC, ITV ва Sky News телеканаллари томонидан эълон қилинган экзит-полл натижаларига кўра, Лейбористлар 650 ўринли парламентда мутлақ кўпчилик — 410 ўринни эгаллади, Торилар (консерваторлар) фракцияси эса 131 депутатлик мандатига эга бўлган.
Шунингдек, Либерал-демократик партия 61 та ўринни қўлга киритган бўлса, ўнг қанот популист “Реформа” партияси эса 13 та депутатлик ўрнига эга.
Парламент сайловларининг якуний расмий натижалари тез орада эълон қилиниши кутилмоқда. Шундан сўнг сайловларда мағлубиятга учраган консерваторлар партиясидан бўлган бош вазир Риши Сунак қирол Чарлз III га мамлакат ҳукумати ўзгариши ҳақида хабар беради.
Британияда 14 йилдан буён илк бор ҳукумат ўзгаради, консерваторлар ўрнини лейбористлар эгаллайди, Риши Сунак ўрнига Кир Стармер янги бош вазир бўлади.
