Байден шу ҳафтада президентлик пойгасидан чиқиши мумкин
АҚШ президентига партия етакчилари ва яқин дўстлари томонидан босим кучаймоқда.
"Бир қанча юқори мартабали демократлар ўзаро суҳбатларда партия етакчилари ва яқин дўстлари томонидан кучайиб бораётган босим АҚШ президенти Жо Байденни шу ҳафтанинг дам олиш кунлари президентлик пойгасидан чиқишга ундаши мумкинлигини айтмоқда", деб ёзди Axios нашри.
Таъкидланишича, ҳозир ковид туфайли ўзини яккалаб қўйган 81 ёшли президент иш билан банд. Аммо ўзаро суҳбатларда у босимнинг кучайиши, сўровлардаги салбий натижалар ва адолатсиз текширувларга тан берганини айтган. Бу эса унинг сайловолди кампаниясини давом эттиришига имкон бермаяпти, деди демократлардан бири нашрга.
Манбаларнинг айтишича, партиянинг юқори мартабали етакчилари, дўстлари ва асосий донорлари Байден ғалаба қозона олмайди, ёши ва ақлий қобилияти ҳақидаги жамоатчилик фикрини ўзгартира олмайди ва Конгрессда кўпчиликни қўлга кирита олмайди, деб ҳисоблайди.
Демократларнинг Сенатдаги етакчиси Чак Шумер Трампга суиқасд уюштирилган куни Байденга сайловда қатнашишдан бош тортса яхшироқ бўлишини айтган.
Вакиллар палатаси собиқ спикери Нэнси Пелоси президент Жо Байденга шахсан қўнғироқ қилган. Суҳбат давомида у сўровлар президент Дональд Трампни мағлуб эта олмаслигини кўрсатаётганини айтган.
