Исроил назоратидаги қишлоққа ракета ҳужуми уюштирилди
Шу сабаб Нетаняху АҚШга сафарини эрта якунлади.
Исроил Ташқи ишлар вазирлигининг хабар беришича, Ливаннинг “Ҳизбуллоҳ” гуруҳи томонидан отилган ракета Исроил назорати остидаги Голан тепаликлари ҳудудидаги Маждал Шамс қишлоғидаги футбол майдонига келиб тушган.
"Ракета ҳужуми оқибатида тўққиз нафар одам ҳалок бўлди, камида 30 киши жароҳатланган. Ракета ҳужуми болалар ўртасида футболи ўйини ўтказилаётган вақтда содир этилди. Исроил ҳужум учун Ливан ва Ҳизбуллоҳни масъул деб билади, бунга жавоб жуда қаттиқ бўлади", — дейилади вазирлик баёнотида.
Бинямин Нетаняху Голан тепаликларига ракета зарбаси тутилганидан сўнг, АҚШга ташрифини муддатидан олдин тўхтатиб, Исроилга қайтишга қарор қилди.
