Германияда Гитлер саройи театрга айлантирилмоқда
Бу қарори учун маъмурият танқидга учради.
Нюрнберг шаҳар ҳокимияти Гитлер саройини опера театрига айлантириш бўйича қарор чиқарганидан сўнг танқидларга учради.
Шаҳар раҳбарининг таъкидлашича, реконструкция ишлари меъморий ёдгорликнинг тарихий функциясига путур етказмайди.
Қарорга кўра, собиқ анжуманлар саройининг бир қисми Нюрнберг шаҳар театри учун вақтинчалик бинога айланади. Бу вақтда унинг асосий биноси - Опера театри капитал таъмирдан ўтказилади.
Конгресслар саройи ҳудудида театрнинг 800 ўринга мўлжалланган янги биноси, шунингдек, бадиий студия ва кўргазма заллари ташкил этилади.
