Путин Красиков ва бошқа собиқ маҳбусларни шахсан ўзи кутиб олди — видео
Россия Федерацияси президенти Владимир Путин Ғарб давлатлари билан алмашинув натижасида Росcияга қайтарилганларни фахрий қоровул билан аэропортда кутиб олди.
Маҳбуслар алмашинуви доирасида Россияга олиб келинган россияликларни олиб кетаётган самолёт Россия Федерациясининг юқори мартабали ҳукумат амалдорлари фойдаланадиган Внуково-2 аэродромига қўнди. Учиш-қўниш йўлагида қизил гилам қўйилиб, фахрий қоровул саф тортди ва келганларни кутиб олиш учун президент Путиннинг шахсан ўзи келди.
"Сизларга қасамёдингизга, бурчингизга, ватанингизга содиқлигингиз учун миннатдорчилик билдирмоқчиман. Ҳар бирингиз давлат мукофотларига лойиқсизлар", — деди Россия Федерацияси президенти уларни кутиб олиш маросимида.
