Эрон Исроилдан қасос олиш қарорини қайта кўриб чиқмоқчи
Теҳрон кўпроқ Вашингтоннинг позициясига қўшиляпти.
Эрон Исроилга кенг кўламли ҳужум уюштириш қарорини қайта кўриб чиқиши мумкин. Бу ҳақида аамерикалик расмийларга таяниб, Politico нашри хабар бермоқда.
“АҚШ Эронни кенг кўламли зарба фақат кескинликни кучайтириши ва Исроил билан тўғридан-тўғри қарама-қаршиликка олиб келиши мумкинлигидан жиддий огоҳлантирган. Энди Теҳрон тобора кўпроқ Вашингтоннинг нуқтаи назарига қўшиляпти”, — дея фикр билдирди газета манбалари.
Таъкидлашича, Эрон билан музокараларда америкалик вакиллар ҲАМАС етакчисига ҳужум пайтида бирорта ҳам Эрон фуқароси ҳалок бўлмаганини алоҳида қайд этишган.
Аввалроқ Америка оммавий ахборот воситалари ўтган душанба куни Эрон Исроилга ҳужум уюштириши мумкинлиги ҳақида ёзган эди. Кейинроқ ҳужум пайшанба-жума кунларига режалаштирилганлиги ҳақида маълумотлар пайдо бўлди.
