Украина расмийлари Курскка ҳужумдан кейин Россия томонидан кучли ракета зарбасига тайёрланмоқда
Бу ҳақида Тhe Times газета Украина қўмондонлигидаги манбаларига таяниб хабар берди.
Нашрнинг ёзишича, Киевдаги қатор объектларга, жумладан, парламент ва бошқа ҳукумат биноларига ҳужумлар бўлиши мумкин.
"Россия дунёга ўзининг қудратли экани ва Курск вилоятига ҳужум каби ҳолатлар жазосиз қолмаслигини кўрсатиш учун жуда қаттиқ жавоб бериш зарурлигини ҳис қилмоқда. Улар қанотли ва баллистик ракеталар каби бизнинг ҳаво ҳужумидан мудофаа тизимларимиз учун катта муаммога айланиши мумкин бўлган кучли қуроллардан фойдаланишади", — дея фикр билдирди нашрнинг манбаларидан бири.
Шунингдек, Украина президенти Владимир Зеленский ўзининг кечки мурожаатида мамлакат ҳаво мудофаасини кучайтириш зарурлигини таъкидлади.
