Туркия парламентида депутатлар муштлашиб кетди

Муштлашув ҳукмрон Адолат ва тараққиёт партияси депутати Алпай Ўзалан мухолифатдаги Туркия Ишчилар партияси вакили Аҳмет Шикнинг юзига мушт туширганидан кейин бошлангани айтилмоқда. Бунга Шикнинг Туркия расмийларига кескин танқиди сабаб бўлган.

 

Ижтимоий тармоқларда тарқалаётган видеода Озаланнинг Шикга мушт туширгани, бошқа депутатлар бир-бирига ҳужум қила бошлаганида унинг ерга йиқилиб тушишига сабаб бўлганини кўриш мумкин. Турк матбуотига кўра, муштлашув тахминан 20 дақиқа давом этган, парламент полида қон доғлари қолган, бироқ парламентарийлардан ҳеч бири тиббий ёрдамга мурожаат қилмаган.

 

Аҳмет Шик ёзувчи, журналист ва Президент Эрдўғоннинг қаттиқ танқидчиси сифатида ҳам танилган. 2016 йилда у Туркия давлатини ҳақорат қилганликда гумонланиб, ҳибсга олинганди. 2018 йилда у терроризмни қўллаб-қувватлаганликда айбланиб 7,5 йилга қамалган, бироқ суд уни озод қилган ва ўша йили Туркия парламентига депутат этиб сайланган.