Украина ва Россия ўртасидаги музокаралар бекор қилинди
Бунга Украинанинг Курскка ҳужуми сабаб бўлган.
Украина ва Россия ўртасида ўтказилиши режалаштирилган музокаралар Киевнинг Курскка ҳужуми туфайли бекор қилинди. Бу ҳақида The Washington Post газетаси хабар бермоқда.
Маълумотларга кўра, Киев ва Мисква Доҳада ўтказилиши керак бўлган ўт очишни тўхтатиш бўйича яширин музокараларга тайёрлашаётган эди, бироқ Украина Қуролли кучларининг Россия Федерациясининг Курск вилоятига ҳужуми туфайли жараён муваффақиятсизликка учраган.
Нашрнинг қўшимча қилишича, Украина ва Россия ўртасида Қатар воситачилигидаги билвосита музокаралар август ойида бўлиб ўтиши керак эди. Томонлар энергетика инфратузилмасига ҳужумларни тўхтатишга келишиб олиши тахмин қилинган эди.
Сўнгги маълумотларга кўра, йиғилиш 22 августга кўчирилган ва у видеоконференция орқали ўтказилиши айтилмоқда. Киевдаги манбаларнинг қайд этишича, Россия ҳудудига қўшин киритиш тўғрисидаги қарор қисман Украинанинг музокаралардаги позициясини мустаҳкамлаш учун қабул қилинган.
