Шолц Германия ҳукуматининг Украинага ёрдамни қисқартириш қарорини ҳимоя қилди
Германия канцлери G7 мамлакатлари Киевга Ғарбда музлатиб қўйилган Россия активлари гарови остида 50 миллиард доллар миқдорида кредит ажратишга рози бўлганига эътибор қаратди.
"Ҳозирда якуний техник тафсилотлар ишлаб чиқилмоқда. Умид қиламизки, бу жараённи жуда қисқа вақт ичида якунлаймиз", — дея таъкидлади Шолц.
Аввалроқ 2025 йил учун Германия бюджетида Киевга ёрдам бериш учун 4 миллиард евро ажратиш режалаштирилгани маълум бўлган эди. Бу жорий йилдагидан икки баробар кўп миқдор ҳисобланади. 2026 йилдан бошлаб эса Германия ҳукумати давлат харажатларининг ушбу бандини бутунлай олиб ташламоқчи. Берлин бунга бюджет тақчиллиги таҳдиди ва Украинани қўллаб-қувватлаш учун бюджет маблағларини сарфлашни тўхтатишни талаб қилувчи ўнг ва сўл популист кучларнинг ортиб бораётган мавқейини сабаб сифатида кўрсатмоқда.
Ҳукмрон коалиция келажакда Россиянинг музлатилган активларидан келадиган даромад орқали Украинага ёрдам беришни режалаштирмоқда.
