Еревандаги Беларус элчихонасига картошка, тухум ва помидорлар улоқтирилди — видео
Норозилик намойишчилари элчихона вакилларига қарата “Арманистондан кетинглар” дея бақирган.
Бунга Беларусь фуқароси Александр Лукашенконинг Арманистон ҳукуматининг Ғарб давлатлари билан яқинлашаётгани ҳақидаги сўзлари сабаб бўлди.
"Ғарбда Арманистонни унутишади. Хўш, бу қандай сиёсат?! Арманлар биздан бошқа кимга керак? Улар ҳеч кимга керак эмас", — дея фикр билдирган эди Лукашенко.
Ҳуқуқ-тартибот ходимлари норозилик намойишига аралашмаган. Намойишга чиққанлар Арманистон ҳукуматидан Беларусь билан дипломатик муносабатларни узиш, Беларусь элчиси ва дипломатларини "персона нон грата" деб эълон қилишни талаб қилди. Минск билан барча икки томонлама келишувлар, шу жумладан, фуқароларнинг визасиз саёҳати ҳақидаги келишувини ҳам бекор қилишни сўради.
