Бухорода институт ўқитувчиси пора билан ушланди
У фуқарони ўқишга киритиб қўйиш эвазига 1 500 АҚШ доллари сўраган.
Бош прокуратура ҳузуридаги Департамент ҳамда ДХХнинг Бухоро вилояти бошқармалари ходимлари ҳамкорлигида ўтказилган тезкор тадбирда Бухоро муҳандислик-технология институти кафедра ўқитувчиси А.А. фуқаро М.Т.нинг ишончига кириб, уни танишлари орқали ушбу институтнинг “Беларусь” техника университети ҳамкорлигидаги менежмент йўналиши бўйича ўқишга киритиб қўйиши эвазига 1 500 АҚШ долларини олган вақтида ашёвий далиллар билан ушланган.
Департаментнинг Андижон шаҳар бўлими томонидан фуқароларнинг ҳуқуқ ва манфаатларини ҳимоя қилиш юзасидан ўтказилган терговга қадар текширувда фуқаролар Т.К. (муқаддам судланган) ва А.Х. фуқаро М.А.нинг ишончига кириб, Қирғизистон Республикаси Ўш технология университетидан ўқишини Андижон давлат университетига кўчириб бериш эвазига 3 300 АҚШ доллари ва 9,4 млн сўмини фирибгарлик йўли билан қўлга киритганликлари аниқланиб, Т.К. ва А.Х. томонидан ўз айбига иқрор бўлиб 900 АҚШ долларининг қайтарилиши процессуал тартибда расмийлаштирилган.
Мазкур ҳолат юзасидан Жиноят кодексининг 25, 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, прокуратурага юборилган.
