Латвия президенти велосипеддан йиқилиб, қўлини синдириб олди
Шундай бўлсада, жароҳат унинг иш жараёнига таъсир кўрсатмаган.
Латвия президенти Эдгарс Ринкевичс велосипеддан йиқилиб ўнг қўлининг билаги ва чап қўлининг бармоғини синдириб олди.
Ҳодиса 28 сентябрь куни Ринкевичс велосаёҳатга чиққанида содир бўлган. Йиқилиш оқибатида давлат раҳбари тиббий ёрдамга мурожаат қилган, шифокорлар унинг қўли цинганини аниқлаб, гипс боғлаган.
Расмийларга кўра, жароҳат президентнинг иш жараёнига таъсир кўрсатмайди, у олдингидек бемалол ёзиб, ҳужжатларни имзолай олади.
Таъкидланишича, Ринкевичснинг кейинги ҳафтадаги кун тартибига ҳам ҳеч қандай ўзгартиришлар киритилмаган.
