Бухорода аёл 3 ёшли фарзандини уриб, ўлдириб қўйди
У бундан олдин ҳам биринчи боласини ўлдирган.
Жорий йилнинг 4 октябрь куни Бухоро вилоятининг Бухоро шаҳрида яшовчи аёл ўзининг 3 ёшли фарзандини уриб ўлдириб қўйган. Бу ҳақида “Zamon” информацион дастурида хабар қилинди.
Маълумотларга кўра, асли сурхондарёлик фуқаро доим қўшниларидан ўзини олиб қочадиган, эшигини таққилатса, очмайдиган аёл бўлган. У жуда қаттиққўл ва меҳрсиз она бўлгани айтилади.
Ҳозирда ҳолат юзасидан Бухоро шаҳар прокуратураси томонидан ЖКнинг 97-моддаси (қасддан одам ўлдириш) 2 - қисми “в” банди билан жиноят иши қўзғатилган. Айни дамда тергов ҳаракатлари олиб борилмоқда.
