Эроннинг зарбаси сабаб нефт нархи кўтарилиши мумкин
Исроил мамлакатнинг нефт инфратузилмасига ҳужум қилиши кутилмоқда.
Исроил Эрон томонидан учирилган ракеталар ҳужумига жавоб тариқасида мамлакатнинг нефт инфратузилмасига зарба бериши мумкин. Бу ҳақида Аxios нашри ёзмоқда.
Хабарга кўра, Исроил расмийлари порталга Исроил муҳим жавоб зарбаси беришини, бу зарба нефт қазиб олиш корхоналари ва бошқа стратегик объектларга қаратилиши мумкинлигини айтишган. Улар барча вариантлар, жумладан, Эрон ядро марказларига зарба бериш имконияти кўриб чиқилишини таъкидлаган.
Маълумки, Эрон OPEK (Нефт экспорт қилувчи мамлакатлар ташкилоти) аъзоси ва жаҳон нефт бозорида асосий рол ўйнайди. Ҳисоб-китобларга кўра, агар Эроннинг нефт инфратузилмаси шикастланса, дунё нефт таъминотининг 4 фоизигача хавф остида бўлиши, нефт нархи эса бир баррел учун рекорд даражадаги 200 долларга етиши мумкин.
