Европа Иттифоқи Эронга қарши санкциялар киритди
Улар орасида етти нафар ҳарбий амалдор ҳам бор.
Европа Иттифоқи Россияга баллистик ракеталар етказиб бергани учун Эронга қарши санкциялар жорий қилди. Бу ҳақида Associated Press нашри хабар берди.
Санкциялар рўйхатига Эроннинг Saha Airlines, Mahan Air ва Iran Air авиакомпаниялари, шунингдек, иккита савдо фирмаси ва ракета ёқилғиси ишлаб чиқарувчи иккита корхона киритилган. Шу билан бирга, Эроннинг етти нафар ҳарбий амалдорига нисбатан санкциялар жорий этилди.
Бундан ташқари, Буюк Британия томонидан Эрон армияси, Эрон ҳарбий-ҳаво кучлари ва мамлакатнинг ракета дастурига алоқадор ташкилотлардаги юқори мартабали амалдорларга қарши санкциялар киритилди.
