Шимолий Корея Сеулга уруш билан таҳдид қилди
Бунга Пхенянда уриб туширилган дрон сабаб бўлган.
Шимолий Корея ўз ҳудудида Жанубий Кореяга тегишли дронларни уриб туширганини даъво қилиб, Сеулни “жиддий ҳарбий провокация”да айблади.
КХДР Мудофаа вазирлиги вакили кейинги сафар мамлакат ҳудудини ҳарбий йўл билан бузиш “уруш эълон қилиш” сифатида баҳоланиши ва “зудлик билан жавоб зарбаси”га олиб келиши билан таҳдид қилди.
Қайд этилишича, 13 октябрь куни Пхенянда ҳалокатга учраган Жанубий Корея ҳарбий дрони бўлаклари топилган. Махсус тузилган тергов гуруҳи Пхенян марказига варақалар тарқатган айнан мана шу дрон бўлган, деб тахмин қилмоқда, аммо якуний хулоса ҳали чиқарилмаган.
Жанубий Корея мудофаа вазири Ким Ён Хён ушбу маълумотни “тасдиқлай олмаслигини” айтган.
