Евроиттифоқ Россия ва Шимолий Корея ўртасидаги ҳамкорликдан хавотирда
Ташкилот вазият кескинлашувидан огоҳантирмоқда.
"Агар Шимолий Кореядан Россияга аскарлар ўтказилгани ҳақидаги хабарлар тасдиқланса, бу кескинлашувнинг янги даражаси бошланганини ва уларнинг ҳамкорлиги сезиларли даражада ошганини билдиради", — деди Европа Иттифоқи ташқи сиёсати вакили Петер Стано.
Унинг фикрича, “бу Россия Украинага қарши ноқонуний ҳаракатларини кучайтириш ниятида эканлигини ва тинч йўл билан ечим топишдан мутлақо манфаатдор эмаслигини кўрсатади”.
Аввалроқ НАТО бош котиби Марк Рютте Х ижтимоий тармоғида "Шимолий Корея қўшинларини Украинага Россия билан ёнма-ён жанг қилиш учун юбориши жиддий кескинлашувни билдиради", деб ёзган эди.
