NASA Илон Маск ва Путиннинг алоқаларини текширмоқчи
Уларнинг алоқалари Америка расмийларини хавотирлантирмоқда.
Аввалроқ Wall Street Journal америкалик миллиардер Илон Маск ва РФ раҳбари Путин уруш бошланганидан кейин турли мавзуларда мунтазам мулоқот қилиб тургани ҳақида мақола ёзган эди.
Жума куни NASA бошқарувчиси Билл Нелсон Маск ва Путин ўртасидаги эҳтимолий мунтазам алоқалардан хавотир билдирди.
"Агар Илон Маск ва Россия президенти ўртасидаги алоқа рост бўлса, бу айниқса NASA ва Мудофаа вазирлиги учун хавотирли хабардир", — деди Билл Нелсон.
Маск ва Путин ўртасидаги эҳтимолий алоқалар Америка расмийларини асабийлаштирмоқда, чунки миллиардер махфий маълумотлардан хабардор ва АҚШ космик саноати билан бевосита боғлиқ шахс.
