Россиянинг 17 та телеканали Google'дан 2 миллион рубл талаб қилмоқда

28 октябрь куни бўлиб ўтган навбатдаги суд мажлисида судья "жуда кўп ноллари бўлган ишни" кўриб чиқаётганини маълум қилган. Бу ҳақида “РБК” нашри ҳуқуқий можаронинг боришидан хабардор манбага таяниб хабар бермоқда.

 

Россия суди Google компанияси жарима тўлаши тўғрисида қарор қилган, чунки Америка компанияси суднинг Россия оммавий ахборот воситаларининг YouTube'даги аккаунтларини тиклаш ҳақидаги талабини бажармаган.

 

Google'га қарши даъво, хусусан, “Биринчи канал”, “ВГТРК холдинг” компанияси, “Православ телевидение жамғармаси” ва россиялик тарғиботчи Маргарита Симоняннинг YouTube канали вакили ва бошқалар томонидан қўзғатилган.

 

"Россия судининг қарорини бажарилмаган ҳар бир кун учун 100 минг рубл миқдорида жарима белгиланади. Қарор амалга оширилгунга қадар жариманинг умумий миқдори чекланмаган ҳолда ҳар ҳафта икки баравар кўпаяди", — дея қайд қайд этади “РБК”.

 

Россия медиа компаниялари ва Гоогле ўртасидаги суд жараёнлари 2020 йилда YouTube Евгений Пригожинга алоқадор “Царград” телеканали ва "Федерал ахборот агентлиги” аккаунтларини блоклаганидан кейин бошланган.