АҚШ Россияга қарши янги йирик санкциялар пакетини эълон қилади
Санкциялар рўйхатига 30 дан ортиқ шахс киритилган.
Санкциялар Россия компаниялари ва мудофаа саноати билан боғлиқ корхоналар, конструкторлик бюролари ва илмий-тадқиқот институтларига таъсир қилди.
Рўйхатда “Мордовия Дрон Технологиялари”, NTC Arsenal, “Рус Ҳаво Транспорти Лабораторияси” ва Москва Авиация Институти мавжуд. Санкция рўйхатига Россия компанияларидан ташқари хорижий юридик шахслар, жумладан, хитойлик, туркиялик, швейцариялик ва ўзбекистонлик шахслар ҳам киритилган.
АҚШ Молия вазирлигининг қайд этишича, санкциялар Россия ҳарбий-саноат комплекси учун технологиялар ва товарлар етказиб берувчиларга, шунингдек, илгари киритилган чекловчи чораларни четлаб ўтишга қарши курашга қаратилган.
