“Украина Россия билан келишув имкониятини бой берди”
Лавров бундай имконият уч марта бўлганини айтди.
Россия ташқи ишлар вазирига кўра, Киев 2014 йилда Қрим билан бирга ўзининг биринчи имкониятини қўлдан бой берди. Кейин 2015 йил февралида Донбассдаги вазиятни тартибга солувчи Минск келишувлари имзоланди. Учинчи имконият 2022 йил апрель ойидаги Истанбул келишувлари бўлган.
Лавров, шунингдек, Киев келишувларни қанчалик узоқ бузса, унинг ҳудуди шунчалик камайишини гапирган.
Унинг қўшимча қилишича, Украина президенти Владимир Зеленский Москва билан музокараларни тақиқловчи фармонни имзолагани Туркиянинг воситачилик ҳаракатлари муваффақият қозонмаслигини англатади.
