Перуда футболчи чақмоқ уришидан вафот этди
Ноқулай об-ҳаво сабаб ўйин ҳам тўхтатилган.
Перудаги футбол ўйини вақтида чақмоқ уриши натижасида бир нафар футболчи ҳалок бўлди, яна беш нафари жароҳатланди.
Мазкур фожеа Перунинг марказий Хуанкаё провинциясидаги Чилка шаҳрида икки маҳаллий жамоа – "Жувентуд Беллависта" ва "Фамилиа Сиосса" клублари ўртасида ўтказилган минтақавий турнир вақтида юз берган. Ҳакам ноқулай об-ҳаво туфайли ўйинни тўхтатишга мажбур бўлган.
Эълон қилинган видеода чақмоқ ҳодисасидан сўнг бир неча футболчи ерга қулагани, баъзилари кейинроқ ўрнидан туришга муваффақ бўлгани, баъзилари эса ётган жойида қолиб кетгани акс этган.
Ҳодиса оқибатида 39 ёшли футболчи Хосе Уго де Ла Круз Меса вафот этган, яна беш киши эса жиддий жароҳатланган.
