АҚШда президентлик сайлови бошланди
Биринчи участкада овозлар Трамп ва Ҳаррис ўртасида тенг тақсимланди.
1960 йилдан буён давом этиб келаётган анъанага кўра, биринчи бўлиб Нью-Ҳемпшир штатининг Диксвилл Нотч қишлоғида яшовчилар овоз берди.
CNN хабарига кўра, тунда участкага олти нафар сайловчи келиб (Тошкент вақти билан соат 10:00) овоз беришган ва дарҳол натижалар маълум бўлган. Камала Ҳаррис ва Доналд Трамп учтадан овоз олган.
Охирги бўлиб Ҳавайидаги участкалар очилади — шарқий соҳил вақти билан 12:00 да (Тошкент вақти билан 22:00). Шу билан бирга, АҚШ фуқароларининг 82 миллиондан ортиғи муддатидан олдин овоз бериб бўлган.
