Европада ҳарбий харажатлар 50 фоизга ошди
Бу бўйича ҳисоботлар эълон қилинди.
Унга кўра, Европа Иттифоқи давлатлари барча ҳарбий соҳаларда кўп жиҳатдан Қўшма Штатларга қарам бўлиб қолмоқда.
Мутахассисларнинг фикрича, Россиянинг 2022 йилда Украинага бостириб кириши Европанинг мудофаа қобилиятидаги кўплаб заиф томонларни очиб берди.
"2024 йилда Европа НАТО аъзоларининг ҳарбий харажатлари Россия Федерацияси Қримни аннекция қилган 2014 йилга нисбатан қарийб 50 фоизга кўп бўлганига қарамай, Европа Иттифоқи мамлакатлари қуролли кучлари тўлақонли мудофаа қилишга қодир эмас", деб ҳисоблайди IISS.
Европанинг ҳарбий арсенали “совуқ уруш” тугаганидан сўнг ва кейинги ўн йилликларда қабул қилинган сиёсий қарорлар натижасида сезиларли даражада қисқарди. Бунда мудофаа саноатининг қисқариши ҳам катта рол ўйнади, бу эса кучларни таъминланган муаммосини янада кучайтирди.
