Қатар Исроил ва ҲАМАС ўртасида воситачилик қилишдан воз кечди
Бунга ҳалол музокараларнинг амалга ошмаётгани сабаб бўлган.
Қатар Ғазо секторида сулҳ тузиш ва гаровга олинганларни озод қилиш бўйича музокараларда воситачиликдан воз кечди. Бу ҳақида Reuters агентлиги хабар бермоқда.
Агентликнинг Қатар расмийсига таяниб хабар беришича, бу ҳақда Исроил ҳукумати, АҚШ президенти маъмурияти ва ҲАМАС раҳбарларига хабар берилган.
"Қатар икки томон музокараларни қайта бошлашга самимий қизиқиш билдирса, воситачилик фаолиятига қайтишга тайёрлигини билдирди", — деди AFP манбаси.
Қайд этилишича, Қатар ҳукумати бундай қарорни Исроил ва ҲАМАС ўртасидаги ҳалол музокараларнинг амалга ошмаётгани сабабли қабул қилган. Қатар, АҚШ ва Миср бир неча ойдан буён сулҳ ва гаровдагиларни озод қилиш бўйича келишувга эришишга ҳаракат қилган, аммо музокаралар натижа бермаган
