Россия Украинадаги урушга Африкадан одам ёллашни кучайтирди
Аввалроқ КХДР аскарлари Курск вилоятига келгани хабар қилинганди.
"Кремл Россия аҳолисини урушга сафарбар қилишдан қочиш учун африкалик аскарларни жалб қилмоқда", дейилади Британия Мудофаа вазирлигининг Х ижтимоий тармоғидаги саҳифасида.
Аввалроқ Украина разведкаси Россия Федерацияси КХДР аскарларидан фойдаланаётгани ҳақида бир неча бор хабар берган эди. Президент Владимир Зеленский Россия Федерациясининг Курск вилоятида жойлашган шимолий кореялик аскарларнинг бир қисми аллақачон Украина Қуролли кучларига қарши жангларда қатнашаётганини ва йўқотишларга учраганини маълум қилган эди.
Украина президентининг сўзларига кўра, Курск вилоятида 11 минг нафар Шимолий Кореялик аскар бор. Жанубий Корея раҳбарияти ҳам бу маълумотларни тасдиқлаган.
