Нетаняҳунинг ҳовлисига ҳужум қилинди
Гумоноланувчи сифатида 3 киши ҳибсга олинган.
Исроил бош вазири Бинямин Нетаняҳунинг Кесариядаги қароргоҳи ҳовлисида иккита портлаш юз берди. Бу ҳақида Тhe Times of Israel нашри хабар бермоқда.
Исроил полицияси ва хавфсизлик кучлари маълумотларига кўра, айни пайтда қурбонлар ҳақида маълумот йўқ.
"Бош вазир Бинямин Нетаняҳу шахсий қароргоҳига отилган иккита снаряд унинг уй ҳовлисига келиб тушди. Ҳеч қандай зарар етказилмаган. Нетаняху ва унинг оиласи бу вақтда уйда бўлмаган", дейилади бош вазир идораси баёнотида.
Ҳозирда гумоноланувчи сифатида 3 киши ҳибсга олинган. Оммавий ахборот воситаларига кўра, улар аввалроқ ҳукуматга қарши намойишларда қатнашган. Ҳозирда ҳодиса юзасидан тергов ҳаракатлари олиб борилмоқда.
