АҚШ Грузияга нисбатан санкциялар жорий қилмоқчи
Бунга мамлакатдаги намойишлар сабаб қилиб кўрсатилган.
Қўшма Штатлар Грузиядаги норозилик намойишлари туфайли мамлакат расмийларига қарши санкциялар жорий этишни режалаштирмоқда. Бу ҳақида АҚШ Давлат котиби маълум қилди.
Энтони Блинкен Грузия ҳукуматини тинч йиғилишлар ва ўз фикрларини билдириш ҳуқуқидан фойдалангани учун ҳибсга олинганларни зудлик билан озод қилишга чақирди.
"АҚШ ҳукмрон “Грузия орзуси” партиясининг мамлакат фуқаролари, оммавий ахборот воситалари ходимлари ва мухолифат вакилларига нисбатан асоссиз зўравонликларини кескин қоралайди. Биз “Грузия орзуси”ни репрессив ҳаракатларини, жумладан, ўзбошимчалик билан ҳибсга олиш ва жисмоний зўравонликларни, ҳукуматни танқид қилганларнинг овозини ўчиришга уринишларни тўхтатишга чақирамиз. Биз, айниқса, ҳуқуқ-тартибот идоралари ходимларининг хатти-ҳаракатлари туфайли одамларнинг оғир тан жароҳати олиши ҳақидаги хабарлардан хавотирдамиз", — дея таъкидлади АҚШ Давлат котиби.
