Жанубий Корея президентига қарши тергов бошланди
У давлатга хиёнатда гумонланмоқда.
Жанубий Корея президенти Юн Сок Ёл ҳарбий ҳолат эълон қилгани учун давлатга хиёнат қилишда гумон қилинмоқда, деб хабар бермоқда Жанубий Кореянинг Yonhap агентлиги.
AFP юқори мартабали полициячига таяниб ёзишича, Юн тўнтариш уюштиришда айбланмоқда. Нашр бу ҳолатда президентнинг дахлсизлиги ҳисобланмаслигини ва унга ҳатто ўлим жазоси қўлланилиши ҳам мумкинлигини ёзмоқда.
Yonhap'нинг аниқлик киритишича, полиция икки шикоятдан сўнг терговни бошлаган. Улардан бири Корея Инновацион партияси (мухолифат партияларидан бири), иккинчиси эса 59 нафар фаоллар гуруҳи томонидан тақдим этилган. Ушбу айбловлар нафақат президент, балки собиқ мудофаа вазири Ким ёнг Хён, ички ишлар вазири Ли Сан Мин ва ҳарбий ҳолатни татбиқ этиш учун масъул этиб тайинланган генерал Пак Ан Суга ҳам тегишли.
