Илон Маск АҚШдаги сайловга қанча пул тиккани очиқланди
У сайловнинг натижаларига катта таъсир кўрсатган.
Илон Маск Доналд Трамп президентлик сайловида ғалаба қозониши учун қарийб 260 миллион доллар сарфлади. Бу ҳақида CNN ёзмоқда.
Қайд этилишича, Маск Трамп президентлик кампаниясининг энг йирик ҳомийларидан бирига айланган ва сайловнинг натижаларига катта таъсир кўрсатган.
Маскка тегишли Аmerica PAC ташкилоти Трампни қўллаб-қувватлаш учун 238 миллион доллар сарфлаган ва бу миллиардерларнинг АҚШдаги сайловга таъсир қилиш имкониятлари бўйича йирик кўрсаткич сифатида қайд этилган.
Маск томонидан ажратилган маблағларининг катта қисми асосан кам овоз берадиган ёки сайловда биринчи марта қатнашаётган фуқароларни жалб қилиш учун сарфланган. Ўз ўрнида, Трамп президентлик пойгасида Маскнинг ёрдамига юқори баҳо берган.
