“Кечадан бошлаб Сурияда ёруғ давр бошланди”
Эрдоған Суриядаги вазият ҳақида гапирди.
Туркия Президенти Суриянинг ҳудудий яхлитлигини ҳимоя қилиш муҳим шарт эканини ва Сурия тақдири фақатгина сурияликлар томонидан ҳал қилиниши кераклигини билдирди.
“Кечадан бошлаб Сурияда ёруғ давр бошланди. Туркия бирон-бир давлатнинг ҳудуди ёки суверенитетига даъвогар эмас. Чегара ортидаги амалиётларимиз фақат ватанимиз ва фуқароларимизни террорчилик ҳужумларидан ҳимоя қилишга қаратилган. Курдистон Ишчилар партияси ва унинг Суриядаги бўлинмалари ёки ИШИДга ўхшаш террорчилар билан ҳеч қачон музокара ўтказилмайди.
Сурия барча дини ва мазҳаблари билан сурияликларга тегишли. Суриянинг ҳудудий яхлитлиги асосий шарт бўлиши керак. Мамлакат тақдирига оид қарорларни ҳам сурияликларнинг ўзлари қабул қилади”, — деди Эрдўған Вазирлар Маҳкамаси йиғилиши ортидан халққа қилган мурожаатида.
