Эронда айрим аёллар ўлим жазосига маҳкум этилиши мумкин
Шу ҳафта бутун мамлакат бўйлаб янги мажбурий ахлоқ қонунлари кучга киради.
Эндиликда “одобсизлик ва номақбул хати-ҳаракатларни тарғиб қилиш ёки тарқатиш”да айбланган аёлларни калтаклаш, 10 йилгача қамоқ жазосига маҳкум қилиш ва 15 минг доллар миқдорида жаримага тортиш жазоларига дучор қилиш мумкин бўлади. “Ҳаё меъёрларини бузиш, оммавий ахлоқсизлик ва бошқа қонунбузарликларни тарғиб қилиш” эса ўлим жазосига сабаб бўлади.
Қайд этилишича, ушбу жазо турлари мамлакатдан ташқаридаги Эрон фуқароларига ҳам тегишли. Ҳуқуқ ҳимоячиларининг фикрича, хорижда яшовчи эронлик аёллар ижтимоий тармоқларда очиқ суратларини жойлаштирса ёки Эронда тақиқланган кўринишларда кўринса, ўлим жазосига маҳкум этилиши мумкин.
Шунингдек, қонунбузарликлар ҳақида хабар бермаганлар жаримага тортилади.
