Уруш давомида 83 мингдан ортиқ россиялик ҳарбий ҳалок бўлган
Уларнинг аксарият қисми Бошқирдистондан.
"Би-би-сининг рус хизмати" ва "Медиазона" волонтёрлар билан биргаликда урушда ҳалок бўлган ҳарбийларни санаб чиқишди. 13 декабрь ҳолатига кўра, кенг кўламли босқин бошланганидан буён жами 83 338 кишининг ҳалок бўлгани аниқланди.
"Би-би-сининг рус хизмати" таъкидлашича, ҳалок бўлганлар орасида аксарият қисми Бошқирдистондан бўлган. Унда ҳалок бўлган 3487 нафар бошқирияликдан қарийб ярми урушда кўнгиллилар сафида қатнашган.
Бошқирдистон 2023 йил январидан бери энг кўп йўқотишларга учраган бешта республикадан бири бўлиб, уч ойдан буён бу рўйхатни бошқариб келмоқда. Нашр урушга борадиганларнинг асосий қисми қишлоқ аҳолисидан иборат эканини аниқлади. Бошқирдистонда шартномани имзолаш учун тўланадиган маблағ (1,3 миллион рубль) 2023 йилдаги ўртача иш ҳақидан (46 700 рубль) 27 баробар кўп.
