ChatGPT асосчиси Трампга 1 млн доллар хайрия қилмоқчи
Аввалроқ The Wall Street Journal ҳам унинг фондига пул ўтказганди.
ChatGPT ботини яратган OpenAI компанияси Доналд Трампнинг инаугурация фондига 1 миллион доллар хайрия қилишни режалаштирмоқда. Бу ҳақида Fox New хабар берди.
Компания директори Сэм Алтман ўз баёнотида Доналд Трамп Қўшма Штатларни “сунъий интеллект асрига” олиб боришини, шунинг учун OpenAI раҳбари “Американи ҳаммадан олдинда бўлиши учун унинг қилаётган саъй-ҳаракатларини қўллаб-қувватлашга тайёр”лигини ёзган.
12 декабр куни The Wall Street Journal нашри Meta Доналд Трампнинг инаугурациясига миллион доллар хайрия қилгани ҳақида хабар берди. Орадан бин кун ўтиб, Amazon ҳам худди шундай миқдорда хайрия қилиши маълум бўлди.
