Зеленскийнинг музокаралар бўйича фикри ўзгармоқда
Энди у кўпроқ узоқ муддатли тинчлик ҳақида гапирмоқда.
Владимир Зеленский Россия билан музокаралар бўйича ўз қарашларини ўзгартира бошлади. Бу ҳақида Тhe Washington Post нашри ёзмоқда.
“Украина президенти илгари музокараларни бошлаш учун барча ҳудудларни қайтаришни шарт қилиб қўйган бўлса, энди кўпроқ узоқ муддатли тинчлик ва Украинанинг хавфсизлиги ҳақида гапирмоқда”, деб ёзади газета.
Зеленский яқинда Sky News'га берган интервьюсида урушнинг қизғин босқичи Украина NATO'га аъзо бўлса, тугаши мумкинлигини айтди. Шу билан бирга, Россия назорати остидаги ҳудудлар кейинчалик “дипломатик йўл” билан қайтарилиши мумкинлигини билдирди. Бу унинг ҳозиргача Россия Украинанинг айрим ҳудудларини вақтинча назорат қилиш эҳтимолини тан олган энг аниқ баёнотидир.
