Илҳом Алиев Москвани товон тўлашга чақирди
“Бу бизнинг шартларимиздир”, деди Озарбайжон президенти.
Озарбайжон президентининг сўзларига кўра, самолёт қулаганининг якуний версияси қора қутилар таҳлилидан кейин маълум бўлади. Аммо дастлабки версиялар ҳам жуда асосли ва фактларга асосланган.
“Фактлар шундан иборатки, фуқаролик самолётимиз Россия ҳудуди, Грозний шаҳри яқинида зарар кўрган ва деярли бошқарувни йўқотган”, деди Алиев Озарбайжон телевидениесига берган интервюсида.
Шу билан бирга, у албатта, самолёт атайлаб уриб туширилмаганини таъкидлади.
Алиевга кўра, Боку Москвадан AZAL самолёти ҳалокати билан боғлиқ вазиятда “айбга иқрор бўлишни, айбдорларни жазолашни ва товон тўлашни” талаб қилмоқда.
“Бу бизнинг шартларимиздир”, — деди Озарбойжон президенти.
“Бизни хафа қилган ва ҳайратга солган лаҳзалардан бири шу бўлдики, Россия расмий тузилмалари қандайдир газ баллонининг портлаши ҳақидаги версияларни илгари сурди, яъни Россия томони бу масалани бости-бости қилмоқчи бўлди. Бу ишлар сизга ҳеч қандай шараф келтирмайди”, дея якунлаган сўзини Алиев.
