АҚШ Россиянинг “соя флоти”га санкция жорий қилмоқчи
Байден бу орқали Украинани қўллаб-қувватламоқчи.
Байден маъмурияти Россия нефтини ташувчи танкерларга қарши чоралар кўриш орқали Москвани нефт савдосидан олинадиган даромаддан маҳрум қилишни мақсад қилмоқда. Бу ҳақида Reuters агентлиги хабар бермоқда.
Агентлик суҳбатдошларига кўра, Россия нефтнинг Ғарб давлатлари томонидан бир баррел учун 60 доллар қилиб белгилаган нарх чегарасидан юқори қийматда сотилишига кўмаклашувчи танкерларга нисбатан “катта санкция пакети” жорий этилиши режалаштирилган. Бундан ташқари, санкциялар мавжуд чекловларни четлаб ўтиб, Россия нефти савдосини ташкил қилишда иштирок этган шахслар ва компанияларга нисбатан чораларни ҳам ўз ичига олади.
"Байден маъмурияти бу орқали АҚШнинг сайланган президенти Доналд Трампнинг инаугурацияси олдидан Украинани қўллаб-қувватлашга ҳаракат қилмоқда. Трампнинг санкцияларга муносабати қандай бўлиши номаълум", дея аниқлик киритади Reuters.
