Истанбулда яна 4 нафар ўзбекистонлик ароқдан заҳарланиб вафот этди
Улар қалбаки спиртли ичимлик истеъмол қилишган.
Жорий йилнинг 15 январь куни Истанбул шаҳридаги Бош консулхонага 4 нафар фуқаронинг (барчаси эркак киши) қалбаки спиртли ичимлик истеъмол қилиш натижасида вафот этганлиги бўйича мурожаатлар келиб тушган.
Бош консулхона дипломатлари ушбу ҳолат юзасидан Истанбул соғлиқни сақлаш, суд-тиббий экспертиза бошқармаси ҳамда ҳуқуқни муҳофаза қилиш органлари билан доимий алоқада бўлиб турибди.
Бош консулхона барча Ўзбекистон фуқароларини эҳтиёт чоралари кўришга, шахсий хавфсизликка риоя қилишга ва зарур ҳолларда Бош консулхонага мурожаат қилишга чақирган.
Эслатиб ўтамиз, аввалроқ 6 нафар Ўзбекистон фуқаролари вафот этгани хабар қилинганди.
