Қаҳва энди хавфли бўлиши мумкин

Қаҳва истеъмоли баъзи инсонларда аллергик реакцияларни келтириб чиқариши мумкин, деб хабар бермоқда мутахассислар. Ушбу ҳолат айниқса моллюскалар аллергиясига эга бўлган одамларда кузатилади.

 

Лондондаги умумий амалиёт шифокори доктор Сармед Мезҳернинг сўзларига кўра, қаҳва доналарини йиғиш, қайта ишлаш ва майдалаш жараёнида маҳсулот таркибига кичик ҳашаротлар, жумладан, суварак қисмлари тушиб қолишининг тўлиқ олдини олиш имкони йўқ.

 

АҚШ Озиқ-овқат ва дори-дармонларни назорат қилиш бошқармаси ҳисоб-китобларига кўра, йиғилган қаҳва доналари халтасининг 10 фоизи ҳашарот қолдиқларидан иборат бўлиши мумкин. Бу кўрсаткич инсон саломатлиги учун хавфли эмас, аммо моллюскалар аллергиясига эга одамларга майдаланган қаҳвадан воз кечиш тавсия этилади. Сабаби, ушбу ҳашаротларда мавжуд тропомиёзин оқсили уларда аллергик реакцияларни келтириб чиқариши мумкин.

 

Енгил аллергик аломатлар қизил тошма, оғизда қичишиш, лаблар, юз ёки кўзларда шиш, қорин оғриғи ёки қусишни ўз ичига олади. Жиддий ҳолатларда эса анафилактик шок юзага келиши мумкин.

 

“Қаҳва таркибида ҳашарот қисмларининг мавжудлиги ғалати туюлиши мумкин, аммо бу даражалар инсон саломатлиги учун хавф туғдирмайди”, – дейди доктор Mezher.

 

Қаҳва ичимлиги isteʼmolchilari ушбу maʼlumotlarni инобатга олишлари ва ўз саломатликларига нисбатан эҳтиёткор бўлишлари тавсия этилади.