Биткоин курси илк бор 107 000 доллардан ошди
Бу криптовалюта тарихидаги энг юқори кўрсаткич.

CoinmarketCap портали маълумотларига кўра, ҳозирда бир биткоин 107 754 АҚШ долларини ташкил қилмоқда. Бу криптовалюта тарихидаги энг юқори кўрсаткич.
Доналд Трамп 18 январда ишга туширган $ТRUMP мемкоини ҳозирда тахминан $60 туради. Савдолар бошида унинг нархи атиги $7 эди. Унинг рафиқаси Мелания Трамп ҳам ўз мемкоинини ишга туширди. $MELANIA виртуал тангалари дастлаб $7,4 га сотилган бўлса, ҳозирда улар $12 дан қимматроққа баҳоланмоқда.
Трамп сайловолди кампанияси давомида АҚШда крипто саноатни қўллаб-қувватлашга ваъда берган эди. Сайловда Трамп ғалаба қозонганидан сўнг биткоин бир неча бор ўзининг тарихий максимал қийматини янгилади.







