Саида Мирзиёева “Раҳбар аёллар мактаби” лойиҳаси очилишида қатнашди
“Ишончим комилки, бу дастурда орттирилган тажриба ва билимлар бебаҳо қийматга эга бўлади”, дейди у.
Кеча, 20 январь куни Президент ёрдамчиси Саида Мирзиёева давлат раҳбарининг фармонига кўра асос солинган “Раҳбар аёллар мактаби” ўқув дастури тўртинчи мавсумининг очилиш маросимида иштирок этди.
“Ушбу муҳим лойиҳа ривожланишда давом этаётгани ва юзлаб ёш, истиқболли ҳамда истеъдодли аёллар учун янги билим ва кўникмалар эшигини очаётгани жуда қувонарли.
Ҳар бир иштирокчининг Ўзбекистон тараққиётига ўз ҳиссасини қўшиш, дунёни яхши томонга ўзгартира оладиган лидер бўлиш имконияти бор.
Ишончим комилки, бу дастурда орттирилган тажриба ва билимлар бебаҳо қийматга эга бўлади. Мазкур ўқув жараёни ҳар бир қатнашчини катта ютуқлар сари ундайдиган муҳим бошланғич нуқтага айлансин!”, деб ёзди у ўзининг расмий саҳифасида.
