Тайванда 6,4 балли зилзила юз берди

Тайваннинг жанубида 21 январга ўтар кечаси 6,4 магнитудали зилзила содир бўлди, натижада 27 киши жароҳат олди.

 

Силкинишлар сешанба куни маҳаллий вақт билан соат 0:17 да қайд этилган. Зилзила эпицентри Чиаи округининг маъмурий марказидан тахминан 40 км узоқликда, 10 км чуқурликда жойлашган.

 

Тайван Марказий метеорология бошқармаси томонидан магнитуда 6,4 балл деб белгиланган. АҚШ геология хизмати уни 6 деб баҳолади. Тайван Фавқулодда вазиятлар бошқармасининг хабар беришича, жабрланганлар кичик жароҳатлар олган. Ярадорлар орасида бир ойлик чақалоқ бор, у Тсзайининг жанубида жойлашган Таинан шаҳридаги вайроналар остидан қутқарилган.

 

Тайвандан дунёдаги энг йирик чип ишлаб чиқарувчи компания зилзила сабаб ўз фаолиятини тўхтатди, аммо энди корхоналар аста-секин ишлаб чиқаришни қайта тикламоқда.

 

Комила Одилова тайёрлади