Эрон иккита учувчисиз дронни синовдан ўтказди

Эрон армияси қуруқлик қўшинлари томонидан ўтказилган ҳарбий машғулотлар доирасида иккита турдаги дронларнинг биргаликда парвоз қилиш бўйича муваффақиятли синовлари амалга оширилди.

 

Бу ҳақида қуруқлик қўшинлари қўмондонининг дала масалалари бўйича ўринбосари, бригада генерали Карим Чешак маълум қилди.

 

Унинг сўзларига кўра, мамлакатнинг ғарбий ҳудудида бўлиб ўтган машғулотлар чоғида 1 500 км дан ортиқ масофага учиш қобилиятига эга бўлган дронларнинг биринчи оммавий парвози ва лазерли бомбалар билан аниқ нишонга олиш, аниқлаш ва йўқ қилиш имкониятига эга бўлган дрон тизимлари синовдан ўтказилди.

 

Генералинг таъкидлашича, синовлар давомида Моҳажер ва Абабил зарба дронлари «Қўм», «Дастевара» ва «Арман» бомбалари билан нишонларни аниқлаб, чегаранинг нариги томонидаги террорчи кучлар тўпланган жойларни муваффақиятли йўқ қилган. Шунингдек, синовдан ўтган дронлар ҳар қандай об-ҳаво ва географик шароитда мақсадни аниқ йўқ қилиш қобилиятига эга экани қайд этилди.

 

Комила Одилова тайёрлади