Трамп Нетаняхуни Оқ уйга таклиф қилди
Уларнинг учрашуви февраль бошида бўлиб ўтади.
Исроил бош вазири Бенямин Нетаняху АҚШ президенти Доналд Трумп билан учрашиш мақсадида келаси ҳафта Вашингтонга ташриф буюради.
Нетаняхунинг таъкидлашича, Исроил бош вазирининг Трамп билан учрашуви 4 февраль, сешанба куни бўлиб ўтиши режалаштирилган.
“Исроил ҳукумати раҳбари Трампнинг иккинчи президентлик муддати бошида оқ уйга таклиф қилинган биринчи хорижий раҳбардир”, дейилади хабарларда.
Маълум қилинишича, ҳозирда Нетаняху простата безини олиб ташлаш операциясидан кейин соғайишда давом этмоқда ва бу операция бир ой олдин бўлиб ўтган.
Шуни таъкидлаш керакки, Исроил бош вазири Бенямин Нетаняху АҚШ президенти Доналд Трамп билан жуда яхши муносабатда. Хусусан, Трамп АҚШ президентлик сайловларида ғалаба қозонганидан кейин улар доимий алоқада бўлишган.
Комила Одилова тайёрлади
