“Келажакда дунёда қанча одам бўлса, шунча роботлар бўлади”
Илон Маск бу йил 10 000 та одамсимон робот ишлаб чиқармоқчи.
Tesla раҳбари Илон Маск компания 2025 йилда 10 000 та Optimus гуманоид роботларини ишлаб чиқаришга тайёрлигини айтди.
Хабарларга кўра, Маскнинг ўзи бу қийин иш эканлигини ва ишлаб чиқариш режалаштирилганидан камроқ бўлиши мумкинлигини тан олган бўлсада, у Тесла заводларида ишлаб чиқариш жараёнларига ёрдам бериш учун қўлланиладига бир неча минг роботларнинг чиқарилишига ишонч билдирди.
Optimus роботлари ҳақидаги масала айниқса 2024 йилда автомобиль бизнеси савдоси кескин пасайганидан кейин инвесторларнинг қизиқишини кучайтирди. Компания аллақачон ўз заводларида бир нечта роботларни синовдан ўтказмоқда, аммо тақдимотларда улар ҳали ҳам автоном эмаслиги ва уларнинг ҳаракатлари ва суҳбатлари учун операторлар жавобгар эканлиги таъкидланган.
Tesla ойига 1000 та Optimus роботини яратиш учун ишлаб чиқариш линиясини яратмоқда ва ҳажмини йилига 100 миллион роботгача оширишни мақсад қилмоқда. Маск бу роботлар компаниянинг асосий даромад манбайи бўлишини кутмоқда.
Роботларни сотиш келгуси йилда бошланиши режалаштирилган. Маскнинг ҳисоб-китобларига кўра, роботнинг нархи 20 минг долларни ташкил этади, бу замонавий аналоглардан бир неча баравар кам.
Ғояга кўра, бундай роботлар одамларнинг айрим ишларини бажаришга мўлжалланган.
Комила Одилова тайёрлади
