30 йиллик дўстлар ўзлари учун кичик шаҳар қуришди
Улар кексалик даврини бирга ўтказишмоқчи
Йигирма йилдан бери яқин дўст бўлиб келган тўрт жуфтлик кексаликда завқланиш ва бирга ҳаёт кечириш учун ўз шахсий кичик шаҳарчасини қуришга қарор қилишди.
Улар Техаснинг Остин шаҳридан бир соатлик масофада, дарё бўйидан ер сотиб олиб, кичик, қулай уйлар ва умумий дам олиш масканларини барпо этишди. “Бестие Ров” деб номланган бу маскан табиат қўйнида осойишталик топиш ва ҳаётдан завқ олиш учун ажойиб жойга айланди.
Экологик тоза шаҳарча атроф-муҳитга зарар етказмайди – томларга йиғиладиган ёмғир суви ресурсларни тежашга ёрдам беради. Шунингдек, ҳар бир уй шундай қурилганки, ҳеч бири дарё манзарасини тўсиб қўймайди.
