Зеленский Путин билан музокаралар ўтказиши мумкин
У бунинг шартларини маълум қилди.
Украина Россия билан музокаралар ўтказиши мумкин, бироқ бунинг учун Ғарбий давлатларнинг хавфсизлик кафолатлари зарур. Бу ҳақида Украина президенти Владимир Зеленский Британиянинг ITV News телеканалига берган интервьюсида айтиб ўтди.
“Агар мен Америка ва Европа бизни ташлаб қўймаслигини, бизни қўллаб-қувватлашда давом этишини ва бизга хавфсизлик кафолатларини беришини аниқ билганимда, ҳар қандай форматдаги музокараларга тайёр бўлардим”, – деди Зеленский.
Шунингдек, у Россиянинг Украинага қарши урушини 2025 йилда тугатиш мумкинлигини ҳам таъкидлади.
Эслатиб ўтамиз, Зеленский аввал ҳам Владимир Путин билан музокаралар ўтказишга тайёрлигини билдирган. У ўшанда бундай жараёнга фақат Украина фуқароларига тинчлик олиб келиш ва инсонлар ҳаётини сақлаб қолишнинг ягона йўли бўлса, рози бўлишини таъкидлаган эди.
