Парижда ноёб кафе очилди
У ерда меҳмонлар хат ёзиб қолдириши мумкин.
Мактуб ёзилгач, у шам муми билан муҳрланади ва кафенинг деворида жойлашган, етказиб бериш санаси кўрсатилган махсус почта қутиларига жойлаштирилади.
Хизмат нархи сақлаш муддатига боғлиқ: бир йилдан кейин етказиш 15 евро, беш йилдан кейин 25 евро, йигирма йилдан кейин эса 45 евро туради. Агар мижоз манзилини ўзгартирса, у уни кафенинг веб-сайтида янгилаши мумкин.
Мазкур ғоя Café Pli асосчиси Женевев Ландсман Кореяга сафар қилганида ўйлаб топилган. Эндиликда бу кафе ижтимоий тармоқларда жуда машҳур жойга айланган.
