Канадада йўловчи самолёт ағдарилиб кетди
Бортда 76 йўловчи ва тўрт нафар экипаж аъзоси бўлган.
Delta Airlines Bombardier CRJ900LR самолёти Торонто халқаро аэропортига қўнаётганда ағдарилди. Оқибатда 18 киши жабрланган.
Самолёт бортида 76 йўловчи ва тўрт нафар экипаж аъзоси бўлган, уларнинг аксарияти жароҳатларсиз эвакуация қилинган.
Рўйхатга олиш рақами N932XJ (Delta Connection бренди остида учувчи) самолёт АҚШнинг Миннеаполис шаҳридан DL4819 рейсини амалга ошираётган бўлиб, Delta шўба корхонаси Эдеавор Аир томонидан бошқарилган.
Воқеа жойидан олинган кадрларда самолёт қорли чизиқда ётгани, яқин атрофда ўт ўчириш машиналари борлигини кўриш мумкин. Ҳодисадан сўнг двигателлар жойлашган фюзеляжнинг орқа қисмидан тутун кўриниб қолган.
Ижтимоий тармоқларда йўловчилар томонидан суратга олинган видеолар ҳам пайдо бўлиб, воқеадан кейин одамларнинг самолётни тарк этгани акс этган. Ҳодиса сабаблари номаълум. Канада транспорт хавфсизлиги агентлиги тергов бошлади.
